كومندا: يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدك معايا يا مسلم علشان نفتح الساعة داخلة على سبعة والنهار شقشق
كومندا:سمى أنت وادخل....يا بنى
مسلم: أنا عايز أنام شوية
كومندا: ياجدع قوم بلاش كسل..الشات بقى فاضى وشوربجى هعلق اهلينا يلا ياعم مش وقت نوم زمانه جئ
مسلم: أهو نور وسارة وريم أهم جم...خليهم يبتدوا معاك على ما احلق دقنى واشطف وشى
كومندا : على فكرة ياجماعة الواد زمالك ده طفشني من عيشتى... أنا مش ملاحق عليه....ده تشوفولكم صرفه معاه
برشامه : أنا رأيى إن مادو ده نعامله معاملة فاقد الأهلية
مسلم : مش فاهم هوه بيقول إيه...الدور والباقى على نور وسارة واشهد ...مثقفين زيادة عن النسب المسموح بيها فى أى شات ...كلام فى الدين شوية والسياسة شوية والإرهاب شوية وبن لادن شوية والاثار شويه والأزياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم فجأة نقلوا عالموسيقى والفن التجريدى والألعاب الكتابية علشان ننسى الكلام التقيل
كومندا : أنا شايف إن أخطر الموجودين على الإطلاق برشامه .....عامله ركن للصور المثيرة وخلانا نستنى بالطوابير علشان نشوفها
مسلم : وسع ياجدع شوربجى وصل...صباحين وحته
شوربجى : مين بس اللى مزعلكم وانا احذفه من عالخريطة.....أنا فيه إتنين تلاتة اربعة مربيين دقونهم وكل واحد فيهم عامل فيها جيفار وعامل نفسة بيناضل ضد الحكومة وامريكا وكلام كبير اووى وهما فى التوهان خالص....شفت اللى بيقول قتل الانجليز حلال حسيت ان احنا فى احتلال ...ده هنسكت له ولا حنبقى رجالة ونقف وقفة رجالة وكل ماحد منا يشوفوه يروح لازقه إنذار لحد ما يزهق من عيشته ويخلع لوحده
كومندا : إحنا معاك يا جورج لازم نقف لهم وقفة رجالة...قتل الانجليز حرام وجواز عتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى سينا
سارة : أنا رأيى إن الفرخة وهيا بتعدى الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه
شوربجى : عفارم يا سارة ...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى
وبعد شوية جة كلا من:
ريم : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا
شوربجى : يا ريم معلش مع إحترامى فى كام واحد هنا عملين نفسهم ثوار عيزيين نظبطهم
محتاجين شوية ترصيص وظبط زوايا
ريم : والله اللى انتة شايفة يا زعيم هو احنا هنعرف اكتر منك
نور : واية خطة سعاتك للمرحلة الجاية ان شاء الله
بعد تنهيدة طويلة سمعت فى كل اركان الشات
متخافيش يا معلمه انا حاسب كل خطوة وقريب هتعرفوا كل حاجة
كومندا يهمس فى اذن مسلم
والله أنا خايف الجدع دة يكون حاطنا فى دماغة وهيصفينا
مسلم : ضحكة بسيطة بيرد وبيقول انا فى التمام وميتخافش عليا
شوربجى : مش نبطل كلام ولوك لوك كتير ونشوف شغلنا ولا اية
مسلم : بصوت عالى اوامراك يا كبير
\
وهنا يدخل في كلا من
وهنا يدخل سيستم قائلا
جود مورينج افرى بادى
كومندا : خخخخخخخخخخخخخخخخخخخخخخ
نور : هو مودى بيقول اية يا مسلم
مسلم : لا متاخديش فى بالك انتى دة بيقول النشيد القومى للشات
سارة :ماشاء الله عليكوا انتوا الاتنين يا فرحة البيج بوص بيكوا
وهنا تدخل ريم مقاطعة كلامهم :
يا جماعة احنا ورانا شغل كتير النهاردة وياريت كل واحد يروح
يشوف وراة اية وكفاية كلالالالام حرااااااااااااااااااام
نور : طيب استاذن انا اروح اشوف اللى ورايا
وهنا يتكلم شوربجى ويؤمر جميع المشرفين بالانصراف على مكاتبهم
دلوقتى تقدروا تتصرفوا على مكاتبكم
وبكدة انتهت الحلقة التانية
