1- صينية لازانيا بالفرن.
الطريقه اخدتها من كتاب النخبه وغيرت كم حاجه من عندي
اللازانيا اللي استخدمتها المقادير:
زيت-صدور دجاج مقطعه مربعات -صلصة طماطم-بصل وثوم مفرومين بس
نكثر الثوم عني حوالي 4 فصوص-طماطم مطحونه-كاتشب- صلصة المكرونه
الجاهزه تنباع في السوبرماركت-ماجي-جزر مبشور-ملح
فلفل أسود-كزبره ناعمه-جبنه موزاريلا - بشاميل -لازانيا اي نوع
بهارات ايطاليه او بهارات البيتزا
الطريقه:
نسلق اللازانيا في مويا وزيت وربع مكعب ماجي ونحركها بين فتره
والتانيه عشان ماتلصق
ونجيب قدر ونحط شوية زيت ونكشن البصل والثوم ونضيف صدور الدجاج
ونقلبهم ولما تبدأ تنشف موية الدجاج نضيف الجزر والطماطم والصلصه والماجي
نقبلهم وبعدين نضيف الكاتشب والصلصه حقت المكرونه ونحط البهارات
ورشه من بهارات ايطاليه او بهارات البيتزا ونطفي النار .
أما البشاميل فطريقته معروفه ، نجيب الصينيه ونحط طبقه لازانيا
وطبقه من خلطةالدجاج وطبقه بشاميل وجبنه اذا حبيتي وتكرريها الين
ماتخلص الخلطه وآخر طبقه تكون لازانيا ونصب فوقها الباقي من البشاميل
ونرش جبنه وهذي شكلها لما خلصنا ندخلها الفرن من 15 إلى 20 دقيقه على 180 او200 في فرن الكهربا الصغير
وهذي قطعه لأول وحده ترد 2- خبزالثوم فكرته بسيطه بس طعمه لذيذ يشبه اللي في بيتزاهت
المقادير :
صامولي أو خبز فرنسي يكون أفضل- زبده لينه - ثوم بودره -بهارات ايطاليه
الطريقه :
نقطع الصامولي شرايح وندهن الوجه بزبده ونرش ثوم بودره وبهارات ايطاليه
وندخله الفرن ونولع من فوق وتخليه على حسب تبغيه قاسي أو لين كل ماخلتيه
سار زي المحمص قاسي شوي
وهنا لما رصيته بالصينيه
